NIAR – Ko vakti kana ka e Roma andi Evropa ka aven dinde ki socijalikani inkluzija, Jugoistokani Evropa ka avela zori te akhardol Evropa tar o progresi em jekhiphanipe

Bor, Beograd, 3. septembri

(NIAR) – Bajram Haliti, šerutno thaj empučino kerdutno ki ,,Novinsko-informativno agencija tar e Roma”, avgive phenda bašo portali niar.rs: Inkluzivno sasa em ačhilo klidino prioriteti Evropake Unijake tar o lindipe e Konvencija tar e manušikane čačipena thaj fundamentalnikane muklipa (1950), kerdinoj džandine em dikhinde progresura thavdindoj vaktosa. Sar ačhipe, zuralo em astardino plitikano thaj ekonomikano resipe dija evropikane progresose te pe sa nivela transformišil i Evropa ando dikhindo thaj angluno kontinenti kaj šukardel vestikane riga  baše sa amalikane kupe.

Lindipe gasave inkluzijake politika kerda buteder bičačipale jekhipenge ki Evropa te vazdenpe upral piro statusi, imzarda pašipe milja manušenge te vestin taj te pašljardon pošukar vestimase – sar naturao fundako čačipen tar sa manušikane džuvdimatura. Sar kerdipe gasave evropikane ideologije thaj praksa si amem avgivesutni Evroma em lako progresi.

Paše zortura em šukar mangipe EU, phuva članice EU, aver na-EU phuva thaj sektora volontera, paše resursura čhute ani u čhungardi socijalikani romani inkluzija , bezehasa romane manuš avgive, sar ko araćutipe, ginel po ćorukanipe , ćorukano anglunipe thaj ćorukano pašipe ki socijalikani inkluzija sar fundako muj manušikane čačipanenge.

Golese sa đik socijalno inkluzija em čačipena romane manušengo ačhel numa teorija pi politikani agenda, gija sa i Jugoistikani Evropa sasa thaj ačhili progresikano em baradikano than nima baše manuša save si len pašipe pire čačipenenge,ma na e Romenge da. Sa đik krisdindine em redimarne izvršnim instrumenturenca najlen implementacija, em đik ni anen do socijo-ekonomikano pašipe bararimase romane manušenge – stigmatizujime em čhudinde romne manuša našti te aven došalime pire istorijskkane tujalimase.
Ko vakti kana ka e Roma andi Evropa ka aven dinde ki socijalikani inkluzija, Jugoistokani Evropa ka avela zori te akhardol Evropa tar o progresi em jekhiphanipe .

Novinsko informativna agencija tar e Roma

Papo Liko