NIAR – Deportacija tar e Roma andar o zapadi

Bor, Beograd, 1. septembar

Bajram Haliti, šerutno thaj empučino kerudtno ki ,,Novinsko-informativno agencija tar e Roma”, avgive phenda bašo portal niar.rs: Ko mardikano kerdipe ki palutno dešbrešutnipe, baro gindipe našalde andar e Srbija , a maškar lende baro gindo e Roma, araklje pašvakto than ane phuva zapadne Evropate. Bute dženen lendar ni dije našaldikano statusi il si lenge čhinado pašvaktoso Ažutipe, golese deš miljake manuša aven deportujime ane phuva katar si.

Than tal savo kala manuša irinpe, thaj tal savo crden po nevo džuvdipe ani purani phuv, buteder si pobut no phare. Rigate po pharo than si e Roma, save ani Srbija thaj po Kosovo keren džungali kupa čhutini ke sa riga putarde diskriminacijate.

Problememura save si e deportujime Romen si bare: Ani Srbija em po Kosovo deportujimpe bizo nisavi sipe, bizo kerdino than, bize dženutne lila, bizo šaipe bućarimase thaj kerdipe tar o sastarunaso-socijalikano čačipen, ano maškaripe bizodžanglipe sar kerel o sistemi ani phuv, lenge čhave, buteder, ni keren ni romani ni srbikani srpski ni albanikani čhib, našti te nostrifikujin pe diplome… Kana resen ani phuv, gola manuša si mukle korkori pese.

Novinsko informativna agencija Roma