Luludiple

Bor, Kadrija Šajinović

O Darjane Čukić, sikljano  ko ohtoto razredo thaj o Leonardo Jašari, sikljano ko štarto razredo fundane sikljonate “Vuk Karađić” andar o Bor ni sikadile pire romane vicasa, pe morćake bojavasa, me pe talentosa thaj bućasa. Golese lengo luludipe bijandarda baro gindo, lačhe thaj šukar grafikane pinte.

Kerdimase ko Projekti „Lokalne medije baše čačipena e Romenge” ko majo si dikhindo te sikadon džene, familije, kupe Roma em aver…

Ko vakti bararimaso e Lumijako Romengo give ani FS “Vuk Karađić”, sikavni e Tanja Trujić phendarda kaj si len duj sikljane, talentime pinturimase thaj kaj bi avela šukar te arakhadol šaipe te kerdardol lenge čhuvdarni.

Najsema pe duj godža, me sa kulturake kerimase – pi rig romane, udar tar i Narodno biblioteka sajek si buleste putardo. I Vesna Tešović, šerutni tar i biblioteka kerdarda vakti thaj than.

Da jek drim i šerutni sikavnjaki, džene thaj amala e tar o Darjane Čukić em o Leonardo Jašari sikade jekhipe thaj kaj naj nisave anglaldikhimatura čhuvdindoj lenge kerimatura thaj putarimasa lengi čhuvdarni 18. majo ke 18 sata.

Maj čhon si luludimaso, gijate o alav tar i čhuvdini korkori sa dindo, a o Leonardo thaj o Darjano si amare luluđa savendar ažućardon regale pinturake šeja.

Čhuvdarni sasa dikhindi rigate, sar tar e čhavore, fortune, gija da tar e sikljarne andar e gava, bizo gova kaj traisarda numa đi 21. majo.

Ilisaren ane fotografije thaj video tar o putaripe čhuvdinako, me i pinta po but phenel ma e milja lafura, a amenge ačhel buki te putara šaipe tea mare luluđa den so pošukar šeja.

Projekat: Lokalne medije baše čačipena e Romenge.