Kerdardo maškarlumijako khelimaso folklori „MALINIK 2015“

Bor, 21.9.2015.

Forutnengi kidutni „Village“ andar o Zlot nakhutne kurkeste kerdarda pančto maškarlumijako khelimaso festivali  „MALINIK 2015“, pe saveste sasa andar i Bugarsko, Rumunija thaj  Bosna em Hercegovina. Barvalo kerdaripe crdija baro gindo dikljarnengo ano Brestovco, Šarbanovco thaj Zlot. Folklorikano khelipe, sikavdipe themutne hamatura,  sikavdipa tradikanikane kherutnipa kale rigatar, suvenira, avgina, kirala taj kapljarda promovisarde gava šukare rigatar. Ani Narodno biblioteka Bor sikavdi si dikljardikani folklorno praktika zapadnikane Afrikakatar.

Fundikano  nevipe  kale brešeste si rotalo astali inčardo ano than ki Opština Bor temasa  „Nacijake minoritetura thaj jekaveripe  lokalake em regionalinake medije mamuj lende“, medicijasa tar o Ofis e Uče Komesareso baše nacionalikane minoritetura  tar o OEBS-o andar o Hag. Sar problemi si ikaldo thatikano šaipe  sar ka pokindon e nacionalikane minoritoturenge palo irisardipe o krisi tar o pokindaripe e medije.

Vukosav Antonijević, anglobešutno  po UO UG ”Village” vaćrdarda kaj ka đi breše ka dikhel te andarel kerdardane avral da tar o Balkani.

Učardaikano tar e manifestacija sasa e Opština Bor a sponzori “Rakita exploration” thaj “Srpska kruna”.

Marina Sinanović