Inkluzija tar e Roma taj 500 neve stipendije  romane maškarsikavnenge

Tanjug | 02. 02. 2015

romi deca

Foto: R.Ristić

O Projekato „Kate sam jekhane – Evropikano inćaripe baši inkluzija e Romenge”  džal tar  juni 2013. brešeste thaj trubul te agorl ko juni  kava breš.

O Projekato kerdardol jek e Ofisesa  baše manušikane thaj minatorikane čačipena, OEBS-o em Evropikani unija. Bašo sasto projekti ulado si  4,8 milja evrura.

Šefo ulavdestar baši demokratizacijaki Misija OEBS ani Srbija Jan Lueneburg phendarda kaj si i   Srbija dikhipe tar o progresi tjaj dindardipese,    sar kaj si gova da kaj amari phuv bešarel anglal kaja  Misija, šansa baše pošukar   inkluzije e Romenge.

Ani sikavni 2015/16 brešeste  baše Roma   maškarsikavnenge „Kate sam jekhane – Evropikano inćaripe baši inkluzija e Romenge” arakhadine si  neve  500 stipendije.

„Ane akglalsikalne khera hramosarde si  509 romane čhave ko jekto breš kerimase o projekto”,  phenda i Paunovićka thaj rodija kava projekto, kaj trubul te agoril  ko juni, te inćardol đi agori kale brešeste.

Voj phenda da kaj e kristikane  timura astarde   620 administrativikane kristose procedure (hramope ke matičkane pustika bijandenge),   kaj si 2.320 kheruthana pherdarde phučimatura  tar e kherutne thaj   infrastrukturikane šaipa, sar da kaj si alosarde   17 bućarne save ka putren neve bućarne thana  thaj ka dindardolpe lenge ažutipe opremasa.

Gova si vaćardino ko pančto Upravno odbor tar kava projekti, a direktorka vladaki tar o Ofis  baše manušikane thaj minatorikane čačipena i Suzana Paunović phenda kaj gakhi da jekhane   stipendije sasa dinde  thaj ani  2014/15. sikljano breš.