FESTIVALI ROMANE KULTURATAR THAJ AKTIVIZMOSTAR

octobar, 13.

Jekto Romano prajdi

Frka

-„Roma si mauša, me na statistika“ – talal kaja parola majbut tar e šelutane džene  e romane jekhimastar  thaj kerdarne tar buteber kidutnjendar  crdije ko paraštuj ane pandž dži ke 12  tar e Vladako kher em Nemanjinako sokakosa  muljepe dži Mikser hauso. Jekto Romano prajdo crdija vaćardinoj tar e  Soraja Post, bućarnni ke  Evropikano parlamenti, ma inčardo si ki rota jekgivesutane   Festivaleste romane kulturatar thaj aktivizmostar (FRKA). Phiratunale ačhile pašo parko pašal i autobusesi ažućarni sar bi  našaldenge save si ghote ane    imprvizovome kampo dena hape, paj, šeja, minije  thaj tojimase šeja sar semno solidarimaso. Targeti phirdinaso sasa iripe e dikhimaso pe akutikane pučimatura savenca e Roma thaj e Romnja ani Srbija thaj ko regioni arakhadan sa jekgivesutne, dungalo than romane jekimaso em diskriminacijasa thaj  phađardipe maušikane čačipena.

-Roma si ani Srbijia inćardine majbut tar 700 berš, ma amet tar e 2012. brešeste si amen ststusi nacionalikane ninoritenguro,  thaj ghotar šaj te kerdara amare Ustavsa dindarde čačipena. Avgive kate sem te akharav sasto romano jekhipe thaj themese šerutne pe jekhipalo ortakluko bašo pućimaso nakhavipe e Romenge ani Srbija. Sa pobaro gindo tar e Roma agorin fakultetura, a ani goja populacija daja si 95 taršel bućarno šaile fortune savo khatinde ni kerel buki. Maškar e Roma si 20 brešenge poharno vestimaso šelbrešutnipe me maškar avrene forutnende. Sar vestisarel gola forutane si katastrofalikano, vaćarda o Dragane Gračanin, dženo kerutanimaso ko kidutno festivaleso.

FRKA si tadardi ano Mikser hauso putarimasa o dikkhljardipe fotosura  „Roma em atristmo“ tar o Ivane Preda. Programi tradardi si tribinasa  „Evropa, Balkano em e Roma“, pala savo avilo vaćardipe sar si e Romnjenge, me projekcija filmoso tar o šabani Bajramović ani produkcija „Media & reform centra“ andar o Niši savi phirandisarda phendipa pi tema „Roma ano dikhindo/medijikano bulipe“.

– FRKA si kate te avel sar astardipe,  te kedila svato tar aver šeja save dukhan romano jekhipe, tar i diskriminacija, golestar kaj  e pućipa ki phuv inćarel talalšero pašarimase o lafi savo si baše šukarimase e minoritengo ačhipe, rigate baše Roma,    vaćarda o anglalbešutno tar o Odbori baši kultura  ko Nacionalikano turvinjiperekao baše Roma o Dragane Ristić, anglal gova phendidoj dukhalipe kaj I kultura sar emšukar kerdipe romane manušengo, najsa šukareste mildardo.

Agoripe festivaleso kerda barvalo bašalipe andi rota an savi iklile bendura   „Crne mambe“ andar o  Niši, „Gipsy Mafia“ andar o Zrenjanino thaj  beogradikano GRUBB.