E ROMA EVROPAKE RODEN TAR E SRBIJA THAJ TAR O DAČIĆ ULOV

Sa Pobare kerdimatura ultra desnikane kupe sar kaj si Jakobincura ani Mađarsko, save putardeste daraven e Roma mudarimasa, sar crdipe segregacijako e Roma ani Češko , sar em o alosaripe Šerutnese jekhe rotake ani Slovačko savo ani alosarni kampanja putarde vaćarda opro e Roma a pi rig phendipe save ano kristimaso keripe 5 miljenca evra bašo došjaripe e Roma o Žan Mari Lepen averdata pačavikano šerutno jekhe francikane partijatar a lendikoj paluno kerdaripe ani Srbija em dindaripe e letkura fašistikane hramomasa opre Roma tradije e Romani interparlamentarni kidutni savi kidel sa e parlamentarikane Romen alosarde ane nacionalikane em regionalikane parlamentura tar o 2013 breš te bičhalel inicijativa e Vladake tar i republika Srbija te đibreše putarel kava phučipe po Maškarphuvano niveli.
Poalav, Šerutno Romane Interparlamentarnikane kidutnjako Srđan Šajn vaćardarda Ministrose avralune bućendar e Ivica Dačićese savo ano alav e Republijako Srbijako linđarel bešaripe e OEBS-esa thavdinoj 2015 te pi agenda kale maškarphuvutne kidutnjasa thavdinoj đibreše uđilne te arakhadol kava da phućipe globalikano maripe opro diskriminacija e Roma ane phuva save kiden kala kidutnja. Romani interparlamentarnikani kidutnji rodija dikhipe Srbikane Ministrosa avralune bućendar em dindarda ažutipe sar bi kava phučipe po emšukar šajipe čhuvdola ki funkcija te reselpe šajdipa ando maripe opro diskriminacija e Roma em gasave kupe da po than.
Šerutno Romane Interparlamentarnikane kidutnjako

Srđan Šajn